Anna Sigurbjörg Sævarsdóttir

Góðann og blessaðan daginn..... Ég held að það sé komið sumar...alla vega í bili.... Er það ekki frábært. Hér á Bifröst hefur verið frábært veður í nánast allan dag. Hlýtt fram úr hófi þó ekki sól nema að litlu leyti og smá volg gola öðru hverju. Getur það verið betra. það sem er að gerast hér hjá nemendum á Bifröst í lögfræðideild, er það einna helst  í fréttum að við erum að fara að taka próf í skaðabótarétti. Við höfum lokið fyrirlestrum með honum Birgir, en það skal tekið fram að hann er bara skemmtilegur kennari. Það væri ekki leiðinlegt ef það væri hægt að nota copy-paste á svona tappa og bara skella þeim inn sem kennurum í öllum fögum... hm já eða flestum. En ótrúlegt hvað  fyrirlesarinn skiptir miklu máli. Í raun er það þannig að það er í hans hendi hvort námsefnið verður hundleiðinlegt, ágætt eða mjög skemmtilegt. Gott dæmi um þetta er þegar hann Sigurður Arnalds kenndi okkur samningarétt sem getur nú ekki talist skemmtilegt fag þó svo að það sé ekki endilega leiðinlegt fag, bara svolítið snúin og pínu þreytandi á köflum. En karlinum tókst að gera tímana svo skemmtilega, í alla staði. þetta hefði verið síðasti tíminn sem maður hefði skrópað i ....ekki spurning. Það er svo greinilega ekki allra að kenna á þennan hátt eða að halda fyrirlestra og skrítið að það skuli ekki gerðar verulegar kröfur til þeirra sem taka að sér að kenna t.d hér í þessum Háskóla að þeir kunni og geti komið efninu vel frá sér og hafi hæfileika að geta gert það áhugaverðarara og meira spennandi. Á þeim tveimur árum sem ég hef verið hér er eitt af því sem ég hef lært að sumum fyrirlesurum tekst ekki þetta fyrrnefnda. því miður. En nóg um það

Ég tók mig til og skellti mér í vinnu um helgina. Ég fór að vinna á veitingastað niður í bæ. Ég byrjaði á föstudaginn og ég verð nú að segja að það var ekkert sérstaklega ljúfur dagur. Við fengum einn af þessum frægu hópum,,s.s útskriftanema úr kennaraskólanum og ég held að það sé alveg pottþétt að það liggur ekki fyrir þessu fólki að kenna mannasiði. Ég allavega vona ekki svona þjóðarinnar vegna. Eg mundi nú ekki bjóða í þá kynslóð sem ætti að nema góða siði af þessu fólki. Hér var eitthvað allt annað í gangi en góðir siðir og kurteisi. Eiginlega verð ég að segja að þetta fólk var leiðinlegt. það var með hroka, stæla,dónalegt og frekju. Mér var svo hugsað til þess sem mér finst  broslegt því að í síðustu kjarabaráttu vatt róni sér að kennarahóp sem hafði safnast saman  í tilefni af kjarabaráttu sem þeir stóðu í og hvatti þá áfram og tilkynnti að hann stæði með þeim. Við nánari umræðu við rónan kom í ljós að hann vissi um hvað hann var að tala því að bæturnar hans voru nánst  jafn háar og grunnlaun kennara en rónin var með þúsund krónum lærra á mánuði. Er þetta ekki allt í samræmi. Og í kvikindisskap mínum gat ég ekki annað en hugsað um það meðan þessi athyglisverði hópur útskriftanema lét ljós sitt skína að sennilega væru það þeirra síðust forvöð áður en þau greyin færu á rónataxtan já og eftir alla þessa fyrirhöfn s.s nám í mörg ár.  
En svona er nú þetta en til þess að gera þetta ennþá skemmtilegra þá var ég að vinna á laugardagskvöldið og þá kom líka stór hópur. hann var sko bara skemmtilegur út í gegn, greinilega komin til þess að njóta lífsins og hafa það gaman og gerði það svo sannarlega.  Frábært fólk. Eiginlega fannst mér eftir á að hyggja svolitið gaman að fá þessa hópa báða þar sem þeir voru magnaðar andstæður, bara svart og hvítt. Magnað að sjá hvað fólk ber með sér hvers konar típur það er og hvers konar stemming er í gangi. ótrúlegt. En hvað sem því líður þá var bara yndislegt að fara og vinna smávegis. Hitta nýtt fólk, breyta um umhugsunarefni og umhverfi. já þetta var bara æðislegt og hefði ekki getað verið mikið betra og skemmtilegra. Svo er bara starfsmannapartý næstu helgi.......og það er ekkert leiðinlegt eða það finnst mér ekki. hehe....eiginlega verð ég að skella mér..er það ekki ???   það er svo langt síðan ég hef farið út að skemmta mér og í partý ...... það er sko heil eilífð..... Ég held  það sé  skaðlegt að fara ekki út...með skemmtilegu fólk að sjálfsögðu..

 Eigið góðan dag.

Með bestu kveðju Anna S

Eigið

jæja nú fer þessari önn senn að ljúka... föstudagurinn er stóra stundin mín á þessu augnabliki því að þá fer ég í mína fyrst málsvörn.... Eins og líðanin er í dag þá finnst mér hún ætla að ganga að mér dauðri. Ég er búin að lesa 20 greinar um efnið og hitt og þetta en svei mér þá eins og ekkert sitji eftir og hræðslan við að geta ekki svarað og gera sig að fífli er að ganga frá mér. Úff hvað ég öfunda þá sem eru á sinni síðustu málsvörn þessa dagana.  Annars held ég að þessi tími sem er að ganga í garð núna verði minn tími eða alla vega að hann nálgist óðum.  Ég hef haft gríðalega þörf fyrir einveru upp á síðkastið enda margt að brjótast í mér t.d hvað varðar námið. Ég veit að til þess að ég geti virkilega notið þess að læra hér verð ég að læra  námstækni og svo að temja mér miklu betra skipulag og sjálfsaga.  Auðvitað er ég búin að heita sjálfri mér því að standa mig miklu betur á næstu önn og leggja mig hundrað prósent fram. En það er alltaf svo auðvelt að lofa en erfiðara að standa við. Þarna  er engu öðru líst en gríðalegum skorti á sjálfsaga.  Ég öfunda þetta fólk hér í skólanum og dáist að þvi jafnframt sem er svona duglegt, stendur sig alltaf svo vel, er að gera alla hluti hundrað prósent og er alltaf hetjur hverrar annar.  Þetta fólk er sko magnað og einmitt þarna vill ég vera það er ekki spurning en stundum finnst mér ég hreinlega ekki kunna að nálgast þetta markmið og draum. 

Ég hef vellt því fyrir mér undanfarið hvað það er bagalegt fyrir fólk að  skorta sjálfstraust og vera  haldið minnimáttarkennd.  Þessir kvillar eru ekki betri en aðrir kvillar og geta haft gríðaleg áhrif á það hvað maður gerir, hvernig manni gengur ásamt svo mörgu öðru. Eiginlega ætti að vera til plástur til þess að lækna svona kvilla. haha spáið í það bara líma yfir svona óþarfa með fínum plástri og vandamálið úr sögunni. það væri magnað ef það væru til svona einfaldar og skemmtilegar lausnir á svona vandamálum. já  bara algjört æði. 
Afhverju reynir ekki einhver að finna upp svona eitthvað að sama skapi og sjálfvirkan ryksuguróbót sem dæmi?? það yrði sko klikkuð sala í svona plástri t.d. Kannski hef ég gefið einhverjum góðum uppfinningarmanni magnaða hugmynd. Ekki slæmt.

Já en enga að síður þá er sumar í lofti enda sumardagurinn fyrsti á morgun. Hér á Bifröst verður vonandi fjöldin allur af gestum á morgun en svona til útskýringar þá er opin dagur hér og gestum og gangandi velkomið að koma og skoða skólann og bara allan pakkann..... Hér tóku allir sig saman bæði börn og fullornir við að snyrta og tína rusl hér utan dyra sem svo síðan endaði með voða fínni grillveislu.  Ég var einmitt að hugsa um það í dag að fyrir tæpum þremur árum síðan  bjó ég austur  á landi hlustaði á einhvern útvarpsmann sem var með beina útsendingu frá þessum opna degi á bifröst. Og mig langaði svo að fara og skoða og sjá. Einmitt á þessum tíma var mig búið að dreyma um að að komast í skóla hingað og og mörg kvöld sat ég við tölvuna  og velti því fyrir mér hvort ég ætti að sækja um.  Svo kom að þvi einn góðan veðurdag ........... já svona er nú þetta og hingað er ég komin.  jæja það er best að fara að snúa sér að lestrinum aftur  og lesa eitthvað fram eftir kvöldi. Svona að lokum gleðilegt sumar allir saman og vonandi verður endalaus sól og blíða í sumar.

kveðja til allra Anna S

jæja nú er mitt fyrsta blogg að fæðast. Engin smá lífsreynsla .   Eins  og staðan er í dag þá á ég að vera að vinna í missó verkefninu mínu en ákvað að taka mér smá pásu og starta bloggsíðu í staðinn. En víkjum að öðru. Hér er yndislegt veður í sveitinni og ég held að sumarið sé á næsta leiti. það væri reyndar vel þegið eftir langan og snjóþungan vetur að fá æðislegt sumar.  Í dag ætla ég ásamt fjölskydunni minni að koma mági okkar á óvart með skemmtilegri gjöf. Hann á stórafmæli karlin en ætlar að arka upp á Snæfellsjökul með familíuna í stað þess að halda veislu. Mjög gott mál. Þannig að nú er málið að ná honum í dag til þess að syngja fyrir hann og afhenda honum gjöf  áður en þau leggja af stað.  þetta verður spennandi. .  jæja þetta verður að duga í dag.
Eigið góðan dag. Anna S